POLOS CREATIVOS: EDICIÓN DE VÍDEOS

Durante o mes de abril, as mestras do noso cole estiveron recibindo formación para a creación e edición de vídeos e curtas, co obxectivo de crear diferentes curtas co alumnado para o festival de cine que temos programado celebrar a finais de curso.

FORMACIÓN DE RADIO ESCOLAR

Esta semana tivemos unha formación de Radio Escolar para o alumnado de 4º EP  e 5º EP e tamén para as mestras.

Esta formación dividiuse en tres partes:

- Obradoiro de voz.

- Obradoiro de podcast

- Montaxe dunha radio.

Foi moi divertido e aprendemos moito.

Podedes ver as nosas creacións buscando a nosa canle "AS LERIAS DE LEIRADO" na plataforma Ivoox.

CLUB DE LECTURA DE ADULTOS CON PABLO PRADO

 Esta semana reunímonos o club de lectura de adultos.

Foi un club de lectura moi especial porque gozamos da visita de Pablo Prado, ilustrador dos libros "Nerea" e "A batalla de Rande", que foron os últimos libros lidos neste club.

Grazas pola visita, foi todo un pracer!

OBRADOIROS DE PASCUA

A última semana do segundo trimestre fixemos uns obradoiros moi especiales na nosa biblioteca: 

Durante os recreos, todos aqueles que se acercasen pola nosa biblio, podían escoller entre as 4 actividades diferentes que tiñamos no noso recuncho de argalleira relacionados coa pascua.

Estes obradoiros foron todo un éxito!!!

CLUBES DE LECTURA 2º TRIMESTRE

A semana previa ás vacacións de Pascua tivo lugar a segunda xuntanza dos clubs de lectura deste curso.

O club dos pelagatos e o club dos pescalibros tiveron unha animada charla sobre as lecturas que realizaron mentres facían unha merendola.

O libro escollido en 5ºEP foi:

- A señorita Bubble, de Ledicia Costas.

Por outra banda, a rapaciada de 6ºEP leu un libro de banda deseñada:

- Nerea, o príncipe da sorte, de Miguel Rojo e Pablo Prado.

 

21 DE MARZO: DÍA DA POESÍA

No día da poesía, estas son as nosas recomendacións lectoras:

Ver esta publicación en Instagram

Una publicación compartida de Ceip Plurilingüe de Leirado (@ceipleirado)

NOVOS AUDIOLIBROS NA NOSA BIBLIOTECA

As voluntarias e os voluntarios da nosa biblioteca non paran!  Estes días están na radio gravando novos audios para algúns exemplares da biblioteca. 

Desta forma, facemos a lectura accesible para todo o mundo e todos e todas podemos gozar cun conto.

O noso lema: NINGUÉN SEN LECTURA!

OBRADOIRO DE BIBLIOTECA CREATIVA

A semana pasada gozamos dun obradoiro de estampación para todo o alumnado grazas á  imprenta ambulante "Alquette machine".